Древнерусские летописи.

Для правильного отображения символов необходимо скачать и установить летописный шрифт

НОВГОРОДСКАЯ ПЕРВАЯ ЛЕТОПИСЬ СТАРШЕГО ИЗВОДА

СИНОДАЛЬНЫЙ СПИСОК

Часть 1 2 3 4 5 6 7

 ¹ В рукописи неясна буква ь

 ² Последние две буквы восстанавливаются предположительно.

 ³ Возможно, что в протографе читалось: отрокъ свои и рекъ к нему оныи

 ⁴ Можно прочесть также вь

 ⁵ Можно прочесть также нощь

 ⁶ Можно прочесть также темь

 ⁷—⁷ Буквы а и л неясны.

«... а вы плотници суще, а приставимъ вы хоромъ рубити». И начя ДьнЂпрь ¹ мьръзнути. И бяше Ярославу мужь въ приязнь у Святопълка; и посла к нЂму Ярославъ нощью ² отрокъ свои, рекъ к нЂму. И рекъ к нему: «оньси ³, что ты тому велиши творити; меду мало  ² варено а дружины много». И рече ему мужь тъ: «рчи тако Ярославу: даче меду мало ², а дружины много, да къ вечеру въдати». И разумЂ Ярославъ, яко въ ⁴ нощи ⁵ велить сЂцися. И томь ⁸ вечере перевозися Ярославъ съ вои на другыи полъ ДънЂпра ⁷, и лодь ⁷ отринуша от берега; и тои нощи поидоша на сЂцю. И рече Ярославъ дру/л.1об./жинЂ: «знаменаитеся, повиваите собе убрусы голову». И бысть сечи злЂ, и до свЂта победиша Святопълка. И бЂжя Святопълкъ въ ПечЂнЂгы, а Ярослав иде Кыеву, и сЂде на столЂ отця своего Володимира. И нача вое свое дЂлити: старостамъ по 10 гривенъ, а смердомъ по гривнЂ, а новъгородьчемъ по 10 всЂмъ; и отпусти я домовь вся.

Въ лЂто 6525 [1017]. Ярославъ иде къ Берестию. И заложена бысть святая София КыевЂ.

Въ лЂто 6526.

Въ лЂто 6527.

Въ лЂто 6528 [1020]. Родися Володимиръ сынъ у Ярослава. /л.2./

Въ лЂто 6529 [1021]. ПобЂди Ярославъ Брячислава.

Въ лЂто 6530.

Въ лЂто 6531.

Въ лЂто 6532.

Въ лЂто 6533.

 ¹ Справа написаны другою рукою буквы ФА

 ² Перед н (50) была написана и смыта буква м

 ³ В рукописи бы(с

 ⁴ В рукописи, может быть по описке, кртща в строке и с над строкой под дугой; можно прочесть также крестяща

 ⁵ На правой стороне почерком XVI в. приписаны буквы в азбучном порядке от а до з включительно, и далее еще какая-то неясная буква; ниже — несколько букв более крупным почерком.

 ⁶ В рукописи митропол(ти

Въ лЂто 6534 ¹.

Въ лЂто 6535.

Въ лЂто 6536 [1028]. Знамение змиево на небеси явися.

Въ лЂто 6537.

Въ лЂто 6538.

Въ лЂто 6539.

Въ лЂто 6540.

Въ лЂто 6541.

Въ лЂто 6542.

Въ лЂто 6543.

Въ лЂто 6544. /л.2об./

Въ лЂто 6545 [1037]. Заложи Ярославъ город Кыевъ, и церковь святыя София.

Въ лЂто 6546.

Въ лЂто 6547 [1039]. Освящена бысть церкы святыя Богородиця Володимиромь.

Въ лЂто 6548.

Въ лЂто 6549.

Въ лЂто 6550 [1042]. Володимиръ иде на Емь съ новгородьци, сынъ Ярославль.

Въ лЂто 6551 [1043]. Володимиръ иде на Грькы.

Въ лЂто 6552 [1044]. ПогрЂбена быста ³ 2 князя, сына Святославля: Яропълъ, Ольгъ; и крестиша ⁴ кости ею.

Въ лЂто 6553 [1045]. СъгорЂ святая София, въ суботу, по заутрьнии, въ час 3, мЂсяця марта въ 15. Въ то же лЂто /л.3./ заложена бысть святая София НовЂгородЂ Володимиромь князЂмь.

Въ лЂто 6554 ⁵.

Въ лЂто 6555.

Въ лЂто 6556.

Въ лЂто 6557.

Въ лЂто 6558 [1050]. Родися Святопълкъ.

Въ лЂто 6559 [1051]. Постави Ярославъ Лариона Русина митрополитомь ⁶.

Въ лЂто 6560 [1052]. ПрЂставися Володимиръ, сынъ Ярославль, въ НовЂгородЂ, мЂсяця октября въ 4.

Въ лЂто 6561.

Въ лЂто 6562 [1054]. ПрЂставися Ярославъ, и сЂде Изяслав Кые†на столЂ.

Въ лЂто 6563.

Въ лЂто 6564.

Въ лЂто 6565. /л.3об./

Въ лЂто 6566.

Въ лЂто 6567 [1059]. Высадиша Судислава ис поруба.

Въ лЂто 6568 [1060]. ПрЂставися Игорь Ярославиць.

Въ лЂто 6569 [1061]. Придоша Половьци 1 и побЂдиша ВсЂволода мЂсяця феураря въ 2.

Въ лЂто 6570.

Въ лЂто 6571.

Въ лЂто 6572.

Въ лЂто 6573 [1065]. Почя ВсЂславъ рать дрьжяти; и на западЂ явися звЂзда велика.

Въ лЂто 6574 [1066]. Приде ВсЂславъ и възя Новъгородъ, съ женами и съ дЂтми; и колоколы съима у святыя Софие. О, велика /л.4./ бяше бЂда въ час тыи; и понекадила съима.

Въ лЂто 6575 [1067]. ПобЂдиша ВсЂслава на НемизЂ. Томь же лЂтЂ яша и на Рши.

Въ лЂто 6576 [1068]. ГнЂвъ божии бысть: придоша Половци и побЂдиша Русьскую землю. Въ то же лЂто высЂкоша кыянЂ ВсЂслава ис поруба. Томь жЂ лЂтЂ побЂди Святослав Половце у Снъвьска, а Изяславъ бЂжа въ Ляхы.

 ¹ Угол листа внизу справа частью оборван, частью срезан.

 ² В рукописи бы(с

Въ лЂто 6577 [1069]. Приде Изяславъ съ Ляхы, а ВсЂслав бЂжа Полотьску; и погоре Подолие. Въ то же лЂто, осень, мЂсяця октября въ 23, на святого Якова брата господня, въ пятничи, въ чяс 6 дни, опять приде Все ¹... /л.4об./ къ Новугороду; новгородци же поставиша пълъкъ противу ихъ, у ЗвЂринця на Къземли; и пособи богъ ГлЂбу князю съ новгородци. О, велика бяше сЂця Вожяномъ, и паде ихъ бещисльное число; а самого князя отпустишя бога дЂля. А на заутрие обрЂтеся крЂст честныи Володимирь у святЂи Софие НовЂгородЂ, при епископЂ Федоре.

Въ лЂто 6578 [1070]. Родися Ростислав; и церкы заложена бысть святого Михаила манастырь КыевЂ.

Въ лЂто 6579.

Въ лЂто 6580 [1072]. ПЂренесена быста ² Бориса и ГлЂба съ Льта Вышегороду.

 ¹ В рукописи текст написан уже после того, как срезан угол, так как все строки начинаются правее срезанного; видимо, край выделанной шкуры.

 ² В рукописи бы(с

 ³ В рукописи црккы с титлом.

 ⁴ Вероятно, в рукописи читалось по оуличямъ. Часть листа с написанным на нем еырвана. Кроме того, оторвана часть листа и пришита. Ср. текст в КА

 ⁵—⁵ Вероятно, в рукописи читалось вои множьство

 ⁶ Вероятно, в рукописи читалось копыта

Въ лЂто 6581 ¹. [1073] /л.5./ Заложена бысть церкы Печерьская Феодосомь игуменомь. Въ то же лЂто прогнаста Изяслава въ Ляхы Святослав и ВсЂволодъ.

Въ лЂто 6582 [1074]. ПрЂставися Федосъ, игуменъ Печерьскыи, мЂсяця маия въ 3.

Въ лЂто 583.

Въ лЂто 6584.

Въ лЂто 6585 [1077]. ПрЂставися Феодоръ архепископъ новгородьскыи.

Въ лЂто 6586 [1078]. БЂжа Ольгъ Тъмутороканю, и приведе Половче, и побЂди ВсЂволода на Съжицяхъ. Въ то же лЂто бысть сЂця у Чьрнигова, и убьена быста ² 2 князя: Изяслав и Борис.

Въ лЂто 6587 [1079]. Убиша за Волокомь князя ГлЂба, мЂсяця маия въ 30. Въ то же лЂто убиша Половчи Романа. /л.5об./

Въ лЂто 6588.

Въ лЂто 6589.

Въ лЂто 6590.

Въ лЂто 6591.

Въ лЂто 6592.

Въ лЂто 6593.

Въ лЂто 6594.

Въ лЂто 6595.

Въ лЂто 6596 [1088]. Священа бысть церкы святого Михаила.

Въ лЂто 6597 [1089]. Священа бысть церкы Печерьская Иоаномь митрополитомь; томь же лЂтЂ прЂставися.

Въ лЂто 6598 [1090]. Приведе Янъка митрополита скопьця. Въ то же лЂто священа бысть церкы ³ святого Михаила Переяславли.

Въ лЂто 6599 [1091]. Перенесоша игумена печерьскаго Федоса въ манастырь ис печерЂ. Въ то же лЂто прЂставися Иоанн скопечь митрополит. /л.6./

Въ лЂто 6600 [1092]. Наиде рана на Полочяны, яко нЂкако бяше ходити уличямъ ⁴, яко мнЂти в... ⁵ ожьство ⁵, а конемъ... ыта ⁶ видЂти; да аще кто из ыстьбы вылезеть, напрасно убьенъ бываше невидимо.

Въ лЂто 6601 [1093]. ПрЂставися ВсЂволодъ; и сЂде Святополкъ КыевЂ. Въ то же лЂто побЂдиша Половчи Святопълка и Мьстислава на Трьполи.

 ¹ Вероятно, в рукописи чаталось с новгородци

 ² Вероятно, в рукописи читалось великое

 ³ Вероятно, в рукописи читалось на весну погорЂ

 ⁴ В КАТ илькину

 ⁵ В К братья князи

 ⁶ В КАТ заложи

 ⁷ В КАТ рускыи

 ⁸ В рукописи sхгг

 ⁹ Нижний правый угол листа срезан (край выделанной шкуры). Текст написан уже после того, как угол бил срезан.

 ¹⁰ Спраеа между строками другими чернилами и почерком букви и и я

 ¹¹ В рукописи новъновъгородъ

Въ лЂто 6602.

Въ лЂто 6603 [1095]. Иде Святопълкъ и Володимиръ на Давыда Смольньску, и вдаша Давыду Новъгородъ. Въ то же лЂто придоша въ Русь прузи августа въ 28.

Въ лЂто 6604.

Въ лЂто 6605 [1097]. Слепленъ бысть Василко. /л.6об./ Въ то же лЂто, зимЂ, побЂди Мьстислав... новгородци ¹ Олга на КулацьскЂ,. .кое ² говение. Томь же лЂтЂ, на ³ ве... горЂ  ³ онъ полъ, а 3-и день ДЂтиньць съгорЂ городъ; и Книну ⁴ чядь избишя.

Въ лЂто 6606.

Въ лЂто 6607.

Въ лЂто 6608.

Въ лЂто 6609 [1101]. ПрЂставися ВсЂслав, Полочьскыи князь.

Въ лЂто 6610.

Въ лЂто 6611 [1103]. Идоша вся брятья ⁵ Русьскыя земля на ПоловьцЂ, на СутЂнь, и побЂдиша я, и князя ихъ имЂние заяша. Семь же лЂтЂ побЂдиша Ярослава Моръдва МуромЂ. Въ то же лЂто заложиша ⁶ церковь БлаговЂщение Мьстислав князь на Городищи. /л.7./

Въ лЂто 6612 [1104]. Приде Никифоръ, митрополитъ сурьскыи. ⁷

Въ лЂто 6613 ⁸. [1105] Поставлени быща епископи: Лазо’рь, Мина, Амфилохии. Томь же лЂтЂ идоша въ Ладогу на воину; и погорЂша хороми от ручия, мимо Славьно, до святого Илие.

Въ лЂто 6614 [1106]. Избиша Половьче на Дунаи. Въ то же лЂто пострижеся Святоша князь, сынъ Давыдовъ, ЦьрниговЂ, тьсть ВсЂволожь.

Въ лЂто 6615 [1107]. Трясеся земля въ 5 февраря.

Въ лЂто 6616 [1108]. ПрЂставися архиепископъ ⁹ новъгородьскыи Никита, мЂсяця генваря въ 30; а на весну почяшя пь/л.7об./сати святую Софию, стяжяниемь святого владыкы ¹⁰.

Въ лЂто 6617 [1109]. Бысть вода велика въ ДьнЂпри, и въ ДеснЂ, и въ ПрипетЂ. И концяша трьпезницю Печерьскаго манастыря. Въ то же лЂто заложена бысть церкы княземь Святопълкомь КыевЂ.

Въ лЂто 6618 [1110]. Приде архепископъ Иоанн въ Новъгородъ ¹¹ мЂсяця декабря въ 20.

 ¹ В КА сугровъ

 ² В рукописи воиины

 ³ Последние дее буквы еосстанавлиеаются предположительно.

 ⁴ Числовая букеа не ясна.

 ⁵ Букеа и восстанавлиеается предположительно.

 ⁶ Последние четыре буквы почти совсем стерлись и восстанавливаются предположительно.

 ⁷ Последняя буква едва заметна и восстанавливается предположительно.

 ⁸ Буква ь восстанавливается предположительно.

 ⁹ Можно прочесть также въсь

Въ лЂто 6619 [1111]. Иде Святопълкъ, Володимиръ, Давыдъ и вся земля просто Русская на Половьце, и побЂдиша я, и възяшя дЂти ихъ, и городъ по Дънови Суртовъ ¹ и Шарукань. Тъгда же погорЂ Подолье КыевЂ, и Цьрниговъ и Смолньскъ и Новъгоро/л.8./дъ. Томь же лЂтЂ прЂставися Иоанн епископъ черниговьскыи. Томь же лЂтЂ ходи Мьстислав на Очелу.

Въ лЂто 6620.

Въ лЂто 6621 [1113]. Ходи Ярослав на Ятвягы, сынъ Святопълчь; и пришьдъ съ воины ², поя дъчерь Мьстиславлю. Томь же лЂтЂ прЂставися Святопълкъ, а Володимиръ сЂдЂ на столЂ КыевЂ. Въ се же лЂто прЂставися Давыдъ Игоревиць. Семь же лЂтЂ побЂди Мьстислав на Бору Чюдь. Въ то же лЂто заложена бысть церкы НовегородЂ святого Николы. Въ то же лЂто погорЂ онъ полъ, на сеи же сторонЂ городъ Кромьныи, от Лукинъ пожаръ.

Въ лЂто 6622 [1114]. ПрЂставися Святослав Переяславли. Въ то же лЂто поста /л.8об./ виша Фектиста епископа Чьрнигову.

Въ лЂто 6623 [1115]. Съвъкупишася братья ВышегородЂ: Володимиръ, Ольгъ, Давыдъ, и вся ³ Русьская земля, и освятиша церковь камяну маия въ 1 ⁴, а въ 2 перенесоша Бориса и ⁵ ГлЂба, индикта въ 8. Въ то же ⁶ лЂто бысть знамение въ солнци ⁷, якоже погыбе. А на осень прЂставися Ольгъ, сынъ Святославль ⁸, августа въ 1. А НовЂгородЂ измьроша коня вся у Мьстислава и у дружины его. Том же лЂтЂ заложи Воигость церковь святого Федора Тирона, априля въ 28.

Въ лЂто 6624 [1116]. Иде Мьсти/л.9./славъ на Чюдь с новгородьци и възя МедвЂжю голову на 40 святыхъ. Въ то же лЂто Мьстиславъ заложи Новъгородъ болии пьрваго. Том же лЂтЂ Павьлъ, посадникъ ладожьскыи ⁸, заложи Ладогу городъ камянъ.

Въ лЂто 6625 [1117]. Иде Мьстиславъ Кыеву на столъ из Новагорода марта въ 17; а сынъ посади НовЂгородЂ ВсЂволода на столЂ. Въ то же лЂто бысть знамение НовЂгородЂ въ святЂи Софии от грома, мЂсяця маия въ 14, въ час 10: вечерню поющимъ, единъ от дьякъ зараженъ бысть от грома, а клиросъ вьсь  ⁹ съ людьми падоша ници, нъ /л.9об./ живи быша. А на вечеръ бысть знамение въ лунЂ. Въ то же лЂто игуменъ Антонъ заложи церковь камяну святыя Богородиця манастырь. Въ се же лЂто прЂставися Добрына, посадникъ новгородьскыи, декабря въ 6.

 ^1-1 В рукописи иоуля въ 9 посадникъ новъгородьскыи

 ² Справа другой рукою приписаны дукеи в алфавитном порядке от а до и

 ³ В рукописи мьстиставль

 ⁴ В строке новгоро и над строкой д под дугой.

Въ лЂто 6626 [1118]. ПрЂставися Дъмитръ Зивидиць, посадникъ новъгородьскыи, иуля ¹ въ 9 ¹, посадницявъ 7 мЂсяць одину. Томь же лЂтЂ приведе Володимиръ съ Мьстиславомь вся бояры новгородьскыя Кыеву, и заводи я къ честьному хресту, и пусти я домовь, а иныя у себе остави; и разгнЂва/л.10./ся на ты, оже то грабили Даньслава и Ноздрьчю, и на сочьскаго на Ставра, и затоци я вся.

Въ лЂто 6627 [1119]. Заложи Кюрьякъ игуменъ и князь ВсЂволодъ церковь камяну манастырь святого Георгия НовЂгородЂ. Въ то же лЂто прЂставися Къснятинъ МосЂовиць, посадникъ. Томь же лЂтЂ съвЂршена бысть черкы Антонова святая Богородиця НовЂгородЂ ².

Въ лЂто 6628 [1120]. Приде Борисъ посадницитъ въ Новъгородъ.

Въ лЂто 6629.

Въ лЂто 6630 [1122]. ПрЂставися Мьстиславляя Хрьстина. Томь же лЂтЂ оженися Мьстиславъ Кые/л.10об./вЂ, поя Дмитровьну НовЂгородЂ Завидиця.

Въ лЂто 6631 [1123]. Оженися ВсЂволодъ, сынъ Мьстиславль ³, НовЂгородЂ. Въ то же лЂто падеся церкы святого Михаила, Переяславли; а на весну ходи ВсЂволодъ съ новгородьци на Емь, въ вЂликое говение, и побЂди я; нъ лютъ бяше путь, оже купляху по ногатЂ хлЂбъ.

Въ лЂто 6632 [1124]. МЂсяця августа въ 11 день, передъ вечернею, почя убывати солнця, и погыбе всЂ; о, великъ страхъ, и тьма бысть, и звЂзды быша и мЂсяць; и пакы начя прибывати, и въ /л.11./ бързЂ напълнися; и ради быша вси по граду.

Въ лЂто 6633 [1125]. Преставися Володимиръ великыи КыевЂ, сынъ ВсЂволожь; а сына его Мьстислава посадиша на столЂ отци. Въ то же лЂто бяше буря велика съ громомь и градомь, и хоромы раздьра, и съ божниць вълны раздьра, стада скотины истопи въ ВолховЂ, а другыя одва переимаша живы. Томь же лЂтЂ испьсаша божницю Антонову. Въ то же лЂто посадиша на столЂ ВсЂволода новгородци ⁴.

Въ лЂто 6634 [1126]. Ходи ВсЂволодъ къ отцю Кыеву, и приде опять Новугороду на столъ мЂсяця /л.11об./ февраря въ 28. Въ то же лЂто въдаша посадницъство Мирославу Гюрятиницю.

Въ лЂто 6635 [1127]. Заложи церковь камяну святого Иоанна ВсЂволодъ НовЂгородЂ, на ПетрятинЂ дворЂ, въ имя сына своего. Въ то же лЂто паде метыль густъ по земли и по водЂ и по хоромомъ, по 2 нощи, а по 4 дни. Томь же лЂтЂ обложи трьпезницю камяну Антонъ игуменъ НовегородЂ. Томь же лЂтЂ вода бяше велика въ ВолховЂ, а снЂгъ лежа до Яковля дни; а на осень уби морозъ вьрьшь всю и озимицЂ; и бы голодъ и цересъ зиму, ръжи осминка /л.12./ по полугривнЂ.

 ¹ В рукописи прЂстЂставися

 ² В строке стого с титлом.

 ³ Можно прочесть также лодье

 ⁴ Вторая буква неясна.

 ⁵ В рукописи на зиму на

 ⁶ Буква е не ясна.

Въ лЂто 6636 [1128]. ПрЂставися ¹ игуменъ Кюрьякъ святого ² Георгия. Томь же лЂтЂ прЂставися Иоанн, сынъ ВсЂволожь, вънукъ Мьстиславль, априля въ 16. Въ то же лЂто въдаша посадницьство НовЂгородЂ Завиду Дмитровицю. Въ се же лЂто лютЂ бяше: осминъка ръжи по гривнЂ бяше; и ядяху люди листъ липовъ, кору березову, инии молиць истълъкше, мятуце съ пелъми и съ соломою; инии ушь, мъхъ, конину; и тако другымъ падъшимъ от глада, трупие по улицямъ и по търгу и по пу/л.12об./тьмъ и всюду; наяша наимиты возити мьртвьця из города; а смородъмь нелга вылести. Туга, бЂда на всЂхъ, отець и мати чадо свое въсажаше въ лодью ³ даромь гостьмъ, ово ихъ измьроша, а друзии разидошася по чюжимъ землямъ. И тако по грЂхомъ нашимъ погыбе земля наша. Въ се же лЂто вода бяше велика въ Волхове, и хоромъ много сноси. И князь Полотьскыи умре Борисъ Всеславиць; и Завидъ, посадникъ новгородьскыи, умре, Дъмитровиць.

Въ лЂто 6637 [1129]. Въниде ис Кыева Данилъ посадницитъ Новугороду. /л.13./

Въ лЂто 6638 [1130]. Иде ВсЂволодъ съ новгородьци на Чюдь зимЂ, въ говение, и самы исеце, а хоромы пожьже, а жены и дети приведе домовь. Въ то же лЂто ходи Кыеву ⁴ къ отцю. Въ то же лЂто коньця церковь святого Иоанна. Въ се же лЂто, идуце и-замория съ Готъ, потопи лодии 7, и сами истопоша и товаръ, а друзии вылезоша, нъ нази; а из Дони придоша сторови. Въ се же лЂто отвьржеся архепископъ Иоанн Новагорода, и поставиша архепископа Нифонта, мужа свята и зЂло боящяся бога; и приде Новугороду мЂсяця генъвря в 1 день, на святого Василья, на обедьнюю; /л.13об./ а Петрилу даша посадницатъ Новугороду.

Въ лЂто 6639 [1131]. Бысть знамение въ солнци, въ вечернюю, марта въ 30. Томь же лЂтЂ, на зиму, иде ВсЂволодъ на ⁵ Чюдь; и створися пакость велика: много добрыхъ мужь избиша въ КлинЂ новъгородьць, мЂсяця генъваря въ 23, въ суботу. Тъгда же Антона игуменомь Нифонтъ архепископъ постави.

Въ лЂто 6640 [1132]. ПрЂставися Мьстиславъ КыевЂ, Володимириць, априля въ 14; а Яропълкъ седе на столЂ, брат Мьстиславль. Въ се же лЂто хо/л.14./ди ВсЂволодъ въ Русь Переяславлю, повелениемь Яропълцемъ, а целовавъ крестъ къ новгородцемъ ⁶, яко хоцю у васъ умерети. И рече Гюрги и АндрЂи: «се Яропълкъ, брат наю, по смерти своеи хощеть дати Кыевъ Всеволоду, братану своему»; и выгониста и ис Переяславля. И приде опять Новугороду; и бысть въстань велика въ людьхъ; и придоша пльсковици и ладожане Новугороду, и выгониша князя ВсЂволода из города; и пакы съдумавъше, въспятиша и Устьяхъ ¹; а Мирославу даша посадь/л.14об./ницяти въ Пльскове, а Рагуилови въ городЂ.

 ¹ Лист с подшитой трещиной. Правый нижний угол срезан. Текст написан уже после того, как угол был срезан.

 ² Правый еерхний угол срезан. Текст написан после того, как угол был срезан.

 ³ Последняя буква неясна.

Въ лЂто 6641 [1133]. Бысть знамение въ солнци прЂдъ вечернею. И томь же лЂтЂ обновиша мостъ цересъ Волхово, рушивъше; и церкви сърубиша 2 деревянЂ на Търговищи: святую Богородицю и святого Георгия, при князи ВсеволодЂ. Томь же лЂтЂ, на зиму, иде Вьсеволодъ съ новгородьци на Чюдь, и възя городъ Гюргевъ, на память святого Никифора, февраря въ 9 день.

Въ лЂто 6642 [1134]. Почаша мълъвити о СужьдальстЂи воинЂ новъгородци и у/л.15./биша мужь свои ² и съвьргоша и съ моста въ суботу Пянтикостьную. Томь же лЂтЂ погорЂ Търговыи полъ, от ручья Плътьницьнаго до конця Хълма, якоже и преже бяше погорЂлъ; а церквии цстьныхъ 10 съгорЂ, августа въ 4. Томь же лЂтЂ ходи ВсЂволодъ съ новгородьци, хотя брата своего посадити Суждали, и воротишася на ДубнЂ опять; и на томь же пути отяша посадницьство у Петрила и даша Иванку Павловицю. А Изяславъ иде Кыеву; и раздьрася вся земля Русьская. Томь же лЂтЂ рубоша новгородць за моремь /л.15об./ въ Дони. И иде Исаия игуменъ съломь Кыеву; приде опять съ митрополитомь Михаи•ломь Новугороду, декября въ 9. В то же лЂто, на зиму, иде ВсЂволодъ на Суждаль ратью, и вься Новгородьская область, мЂсяця декабря въ 31; и сташа денье зли: мразъ, вьялиця, страшно зЂло. И бишася на Ждани горЂ, и много ся зла створи: и убиша посадника новгородьскаго Иванка, мужа храбра зЂло, мЂсяця генъваря въ 26, и Петрила Микулъциця и много добрыхъ муж, а суждальць боле; и створше миръ, придоша опять. И пустиша ми/л.16./трополита Кыеву, мЂсяця феурря въ 10, въ мясопустную недЂлю, а на Суждаль идуце, не пустиша его, а онъ мълвляше имъ: «не ходите, мене богъ послушаеть». И пришьдъше, даша посадницьство Мирославу Гюрятиницю.

Въ лЂто 6643 [1135]. Ходи Мирославъ посадникъ из Новагорода миритъ кыянъ съ церниговьци, и приде, не успевъ ницто же: сильно бо възмялася вся земля Русская; Яропълкъ к собе зваше новъгородьце, а церниговьскыи князь к собе; и бишася, и поможе богъ Олговицю съ церниговчи, и многы кыяны исеце, а другыя изма руками. И не то бяше зло, нъ боле почяста копити /л.16об./ вои и Половче и всЂ. Въ то же лЂто заложи церковь камяну святыя Богородиця на Търговищи ВсЂволодъ, НовегородЂ, съ архепископъмь Нифонтомь. Томь же лЂтЂ Ирожнетъ заложи церковь святого Николы ³ на Яколи улици. Въ то же лЂто, на зиму, иде въ Русь архепископъ Нифонтъ съ лучьшими мужи и заста кыяны съ церниговьци стояце противу собе, и множьство вои; и божиею волею съмиришася. А Мирославъ прЂставися до владыкы, генуаря въ 28; а епископъ приде феурря въ 4; а посадницьство даша Костянтину Микулъцицю НовегородЂ.

 ¹ Буква и неясна.

 ² Перед словом не были написаны какие-то буквы, повидимому его; видны следы букв го

 ³ Буква б неясна.

 ⁴ В рукописи по описке Всеволодо

Въ лЂто 6644 [1136]. Индикта лЂта /л.17./ 14, новгородьци призваша пльсковиче и ладожаны и сдумаша, яко изгонити князя своего ВсЂволода, и въсадиша въ епископль дворъ, съ женою и съ дЂтьми и съ тыцею, мЂсяця маия въ 28; и стражье стрежаху день и нощь съ оружиемь, 30 мужь на день. И сЂде 2 мЂсяця, и пустиша из города июля въ 15, а Володимира, сына его, прияша. А се вины его творяху: 1, не блюдеть смердъ; 2, «чему хотелъ еси сести Переяславли»; 3-е, «ехалъ еси съ пълку переди всЂхъ, а на то много; на початыи велевъ ны, рече, къ ВсЂволоду приступити, а пакы отступити велить» ¹; не пустиша его, /л.17об./ донелЂже инъ князь приде. Тъгда же съгорЂ церкы святого Въскресения манастырь. Въ то же лЂто приде Новугороду князь Святославъ Олговиць ис Цернигова, от брата Всеволодка, мЂсяця июля въ 19, преже 14 каланда августа, въ недЂлю, на сборъ святыя Еуфимие, въ 3 час дне, а луне небеснЂи въ 19 день. Томъ же лЂтЂ, наставъшю индикта 15, убиша Гюргя Жирославиця и съ моста съвЂргоша, мЂсяця септября. Въ то же лЂто святиша церковь святого Николы великымь священиемь, въ 5 декабря. Въ то же лЂто оженися Святославъ Олговиць НовегородЂ, и вЂньцяся своими попы у святого Николы; /л.18./ а Нифонт его не ² вЂньця, ни попомъ на сватбу ³, ни церенцемъ дасть, глаголя: «не достоить ея пояти». Въ то же лЂто стрЂлиша князя милостьници ВсЂволожи, нъ живъ бысть.

Въ лЂто 6645 [1137]. Настанущю въ 7 марта, индикта лЂту 15, бЂжя Костянтинъ посадникъ къ ВсЂволоду и инЂхъ добрыхъ мужь нЂколико; и въдаша посадницити Якуну Мирославицю НовЂгородЂ. Въ то же лЂто приде князь Мьстиславиць ВсЂволодъ Пльскову, хотя сЂсти опять на столе своемь НовЂгородЂ, позванъ отаи новгородьскыми и пльсковьскыми мужи, приятели его: «поиди, княже, /л.18об./ хотять тебе опять». И яко услышано бысть се, яко ВсЂволодъ Пльско†съ братомь Святопълкомь, и мятежь бысть великъ НовегородЂ: не въсхотЂша людье ВсЂволода; и побЂгоша друзии къ ВсЂволоду Пльскову, и възяша на разграбление домы ихъ, Къснятинъ, НЂжятинъ и инЂхъ много, и еще же ищюще то, кто Всеволоду ⁴ приятель бояръ, тъ имаша на нихъ нЂ съ полуторы.

  ¹ В рукописи засекли засекли

 ² Правый нижний угол с вырезами. Текст написан после того, как угол был вырезан.

 ³—³ В рукописи ппа и с над строкой под дугой.

 ⁴ В К того же лЂта преставися

 ⁵ Буква а переделана из ъ

тысяце гривенъ, и даша купцемъ крутитися на воину; нъ сягоша и невиноватыхъ. Потомь же Святославъ Олговиць съвъкупи всю землю Новгородьскую, и брата своего /л.19./ приведе ГлЂбъка, куряны съ Половьци, идоша на Пльсковъ прогонитъ ВсЂволода. И не покоришася пльсковици имъ, ни выгнаша князя от себе, нъ бяхуть ся устерегли, засекли ¹ осекы всЂ; и съдумавъше князь и людье на пути, въспятишася на ДубровьнЂ, и еще рекъше: «не проливаиме кръви съ своею братьею, нЂгли богь управить своимь промысломь». Тъгда же прЂставися князь ВсЂволодъ Мьстиславиць ПльсковЂ, и яшася пльсковици по брата его Святопълка; и не бе мира съ ними, ни съ сужьдальци, ни съ смольняны ², ни съ полоця/л.19об./ны, ни съ кыяны. И стоя всЂ лЂто осмьнъка великая по 7 резан.

Въ лЂто 6645 [1138]. МЂсяця марта, въ 9 день, на 40 Святыхъ, бысть громъ велии, яко слышахомъ чисто, въ истьбЂ сЂдяще. Въ то же лЂто выгнаша князя Святослава, сына Ольгова, из Новагорода, мЂсяця априля 17, въ недЂлю 3 по ³ пасцЂ ³, сЂдевъша 2 лЂта бес трии мЂсяць. Томь же лЂтЂ слашася по Гюргя Володимириця Суждалю; а въ 23 того мЂсяця пополошишася людье: сългаша бо, яко Святоаълкъ у города съ пльсковици; и высушася всь городъ къ Сильнищю, и не бы ничтоже, а Святославлюю прияша Но/л.20./ вЂгородЂ съ лучьшими мужи, а самого Святослава яша на пути смолняне и стрЂжахуть его на СмядинЂ въ манастыри, якоже и жену его НовегородЂ у святое Варвары въ манастыри, жидуще оправы Яропълку съ ВсЂволодкомь. Въ то же лЂто въниде князь Ярославъ, сынъ Гюргевъ, вънукъ Володимирь, и-Суждаля Новугороду на столъ, маия въ 10; и съ пльсковици съмиришася. Въ то же лЂто ⁴ князь Кыевьскыи Яропълкъ, и седЂ на столЂ брат его Вячеславъ.

Въ лЂто 6647 [1139]. Приде Гюрги князь и-Суждаля Смольньску и зваше новгородьце на Кыевъ /л.20об./ на ВсЂволодка, и не послушаша его. И тъгда бЂжа Ростиславъ Смольньску къ отцю из Новагорода, септября 1, сЂдЂвъ въ НовЂгородЂ 8 лЂт и 4 мЂсяцЂ; и разгнЂвася Гюрги, идя опять Суждалю, възя Новыи търгъ. И послашася новгородци Кыеву по Святослава по Олговиця, заходивъше ротЂ; и бЂ мятежь НовЂгородЂ, а Святослав дълго не бяше. Въ то же лЂто въниде князь Святослав ⁵ Олговиць Новугороду и сЂдЂ на столЂ мЂсяця декабря въ 25.

В лЂто 6648 [1140]. Въ 20 марта бысть знамение въ солнчи, и толико оста его, якоже бываеть мЂсяць 4 днии, и пакы до захо/л.21./да напълнися.

Въ то же лЂто потоциша Кыеву къ ВсЂволоду Къснятина Микулъциця, и пакы по немь инЂхъ муж 6, оковавъше, Полюда Къснятиниця, Дьмьяна, инЂхъ колико.